कलाकारहरुको पारिवारिक झगडाले सामाजिक सञ्जाल फोहोर

ललितखबर
पछिल्लो समय सामाजिकका कलाकारका नीजि जीवन छताछुल्ल रुपमा सार्वजनिक हुने क्रम बढको छ ।

सञ्चारमाध्यमहरुमार्फत अभिनेता भुवन केसी र सुस्मिता केसीबीचको सम्बन्ध विच्छेदको घटना सार्वजनिक भएपछि अन्य धेरै कलाकारहरुको पनि सम्बन्धविच्छेदको घटना बाहिर आउन थाले ।

कलाकारहरु गौरी मल्ल,पुजा चन्द,प्रियंका कार्की, मनिषा कोइराला,सञ्चिता लुइटेल, अञ्जु पन्त र रिमा विश्वकर्मालगायतको सम्बन्ध विच्छेद भएपनि उनीहरुको पारिवारिक बेमेल बाहिर आएन तर केही समयअघि गायिका बबिता बानियाँ‘जेरी’ र शंकर क्षेत्रीबीचको पारिवारीक बेमेलले सामाजिक सञ्जाल तातेको थियो । उनीहरुको व्यक्तिगत झगडा सामाजिक सञ्जालमा सार्वजनिक भएपछि धेरै युट्युवरले कमाउने अवसर समेत पाएका थिए ।

अभिनेत्री अरुणीमा लम्साल र युवराज श्रेष्ठबीचको सम्बन्ध विच्छेदको घटनालाई अभिनेत्री लम्सालले धेरै सञ्चारमाध्यमहरुलाई अन्तवार्ता दिएर उछाल्ने प्रयास गरिन् । तर पुर्वपति श्रेष्ठले उनको प्रतिवाद गरेनन् । वर्षा सिवाकोटी र आषिस गेलालबीचको सम्बन्ध विच्छेदको घटना मात्रै सार्वजनिक भयो । झगडा भने सुनिएन ।

हास्यकलाकार मनोज गजुरेल र मिना ढकालको पारिवारिक दरारको घटना लामो समयसम्म इन्टरनेटको दुनियामा फैलिरह्यो । कलाकार मनोज गजुरेल र उनकी श्रीमती ढकालले धेरै समयसम्म एक अर्काको पोल खोलेर आफ्नै आँङको धुलो उडाएका थिए ।

हास्यकलाकार पवन खतिवडा र सुम्निमा खालिङबीचको सम्बन्ध विच्छेदको घटना धेरै दर्शकले सम्झने घटना रहेको छ । पारिवारिक झगडाको क्रममा कलाकार खलिवडालाई सुम्निमाले आक्रमण गरेको र उनी घाइते भएको फुटेल अहिने पनि इन्टरनेटमा भेटिन्छ ।

सामाजिक सञ्जालमा रेखा थापा र छवि ओझाबीचको सम्बन्ध विच्छेदको झगडाबाट धेरै दर्शकले मनोरञ्जन लिए । पछिल्लो समय शिल्पा पोखरेलले र चलचित्र निर्माता छवि ओझासँग विवाह गरेपनि सम्बन्ध टिकेन । उनीहरुको घर झगडा पनि इन्टरनेट मार्फत सामाजिक सञ्जालमा आयो । दुबैको झगडा अदालत पुग्यो अंश मुद्दा जितेपछि निर्माता घरविहीन बनेको घटनाले सामाजिक सञ्जालमा नयाँ तरंग ल्याएको थियो ।

आजकल एलिना चौहान र विष्णु सापकोटाको सम्बन्ध विच्छेदपछिको झगडा छताछुल्ल छ । अपसी समजदारीमा टुंगिएको सो सम्बन्धको सामाजिक सञ्जालमा गायिका चौहानलाई गालीको बर्षा हुन सुरु भएपछि उनले मुख खोलेकी छिन् ।

लामो समयसम्म सञ्चारमाध्यमहरुमा विष्णुसँगको सम्बन्धको बारेमा गायिका चौहान बोल्दै आएकी थिइन् । पुर्वपति विष्णु पनि एलिनाको व्यावहारले आफूलाई मानसिक पिडा भएकोले अदालतको ढोका ढक्ढकाएको प्रतिकृया दिएका छन् ।
कलाकारहरुले आफ्नो प्रसिद्धिको तागतलाई दुरुपयोग गर्दै सामाजिक सञ्जाल र सञ्चारमाध्यममा हतियारको रुपमा प्रयोग गर्दै एक अर्कालाई बद्नाम गरिरहेको टिप्पणी सुन्न र देख्न पाइन्छ । कलाकारहरुले विभिन्न वाहनामा व्यक्तिगत जीवनलाई इन्टरनेटमार्फत भाइरल बनाएर फोहोर गरिरहेका छन् भने युट्युवरहरुले कमाइखाने भाँडो बनाइरहेका छन् ।