चलचित्र ‘द ब्ल्यू लाइट’को टिजरमा डराइरहेकी वालिकाको कथा

स्वभावतः वालवालिकाहरु छिट्टै डराउछन् । उनीहरुभित्र उव्जेको डर र त्रासले मान्छेको जीवनमा धेरै फरक पारिरहेको हुन्छ । यस्तै कथामा निर्माण भएको साइकोलोजिकल थ्रिलर चलचित्रको टिजरमा रोचक दृश्य रहेको छनक दिएको छ ।

भर्खरै सार्वजनिक भएको टिजरमा वाबु मरेको सपना देखेकी वालिकाको दृश्यबाट सुरु हुन्छ । बुवा पात्रमा अभिनय गरेका अपर्ण थापाले छोरीलाईसपनामा मरेको देखेको मान्छेको आयु लामो हुन्छ भन्दै सम्झाइरहेका छन् । दृश्यमा बन्चरो बोकेर हिडिरहेको, भित्ता फोरिहेको र काथ थापेर भित्तामा सुनिरहेको दृश्यले चलचित्रमा खास विषयबस्तु समेटिएको भान हुन्छ । चलचित्रको टिजरले दर्शकप्रति थप रुचि जगाएको आवास हुन्छ ।

टिजरमा बेनिशा हमालसँगै अपर्ण थापा र श्रृष्टि श्रेष्ठ छन् । तीनै जना तनावपूर्ण भावमा छन् ।

‘द ब्ल्यू लाइट’लाई बलिराम चौहानले निर्देशन गरेका छन् । प्रतिक्षित चलचित्र ‘बलिदान’को लेखक तथा मुख्य सहायक निर्देशक समेत रहेका चौहानकोको यो डेब्यु सिनेमा हो ।

स्काइफल पिक्चर्सको प्रस्तुति रहेको चलचित्र ‘द ब्ल्यू लाइट’को प्रमुख भूमिकामा बेनिशा हमाल, अर्पण थापा, महेश त्रिपाठी, आयुसमान देशराज जोशी, सृष्टि श्रेष्ठ, सुरक्षा इटानी छन् । चलचित्रको बाल कलाकारमा ग्रिसमा कटुवाल र सहारा शर्मा छन् ।
निर्माणपक्षले कलाकारको भूमिका र चलचित्रको कथाबारे प्रष्ट पारेको छैन । निर्देशक चौहानले विस्तारै खुलाउँदै जाने बताएका छन् ।

आकाश उखेडा मुख्य सहायक निर्देशक रहेको चलचित्रमा रेलिजा श्रेष्ठ प्रोडक्सन डिजाइनर, दिलीप पन्त निर्माण नियन्त्रक रहेका छन् ।