गोकर्णेश्वरमा करेन्ट लागेर दुई दुर्घटना, एक जनाको निधन

काठमाडौं
काठमाडौंको गोकर्णेश्वरमा करेन्ट लागेर दुई दुर्घटना भएको छ ।
प्रहरीका अनुसार नयाँ बस्ती र शेर्पा कोलोनीमा दुई करेन्ट लाग्ने घटना घटेको छ ।
गोकर्णेश्वर नगरपालिका–५ नयाँबस्तीस्थित ग्रिल कारखानामा काम गरी बस्ने पर्सा घर भएका २८ वर्षीय इन्टियाज हवारीको करेन्ट लागेर आइतबार राति निधन भएको छ ।
करेन्ट लागेर गम्भीर घाइते भएका उनको नेपाल मेडिकल कलेज अत्तरखेलमा उपचारको क्रममा निध भएको थियो ।
गोकर्णेश्‍वर नगरपालिका ९ शेर्पा कोलोनी डेरा गरी बस्ने काभ्रे घर भएकी अस्मिता तामाङको कोठामा पनि विद्युत सर्ट भएको थियो । सोमबार दिउँसो भएको आगलागीमा करिब २ लाख रूपैयाँ बराबरको धनमाल जलेर नष्ट भएको छ ।
दुबै घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।