काठमाडौं
राजधानीका विभन्न स्थानमा ४१ वटा सवारीसाधन भेटिएका छन् । ट्राफिक प्रहरीले ती दुई पाङ्ग्रे सवारीसाधन आइतबार सम्बन्धित धनीलाई फिर्ता गरेको छ ।
काठमाडौं उपत्यका ट्राफिक प्रहरी कार्यालयमा आयोजित एक कार्यक्रमबीच सोही कार्यालयका प्रहरी वरिष्ठ उपरीक्षक नवराज अधिकारीले १९ वटा मोटरसाइकल र २२ वटा स्कुटर सम्बन्धित धनीलाई हस्तान्तरण गरेका हुन् ।
खोजी गर्ने क्रममा केहीमा वास्तविक नम्बर प्लेट र केहीमा नक्कली नम्बर प्लेट राखेको अवस्थामा काठमाडौं उपत्यकाको जगाती, ठिमी, थली, नरेफाँट, काडाँघारी, लैनचौर, चापागाउँ, नयाँबानेश्वर, हात्तिसार, एयरपोर्ट, सिफल, पुरानोबसपार्क, स्वयम्भू, गोकर्ण, सुन्दरीजल, कपन, धापाखेल, गल्फुटार, नेपालटार,
नयाँबसपार्क र बालाजु लगायतका स्थानबाट उक्त सवारी साधन ट्राफिक प्रहरीले फेला पारेको हो ।
विभिन्न मितिमा प्राप्त निवेदनका आधारमा ती सवारीसाधन खोजी गरेपछि फेला परेको प्रहरीको भनाई छ ।
प्रतिक्रिया