भदौं महिनामा आठ नयाँ चलचित्रहरु प्रर्दशनको तयारीमा

ललितखबर
भदौं महिनामा आठ नयाँ चलचित्रहरु प्रर्दशनको तयारीमा छन् ।
चलचित्र विकास बोर्डका अनुसार हिन्दुहरुको पर्व तीजको पुर्वसन्ध्यामा यही भदौं ६ गते तीनवटा चलचित्रहरु प्रर्दशन हुनेछन् ।
भदौं ६ गते शुक्रबारबाट ‘माग्नेराजा’, ‘जनैं हराएको सूचनाः सम्बन्धका धागाहरु’ र ‘ताराहरु’ प्रर्दशन हुनेछ ।
भदौं १२ गते विहीबार ‘कोशेढुंगा’ प्रर्दशनको तयारीमा छ । भोलिपल्ट शुक्रबार समुन्द्र भट्टको निर्देशनमा बनेको चलचित्र ‘गुन्युचोलो’ प्रर्दशन सुरु हुँदेछ ।
तेश्रो शुक्रबार भदौं शुक्रबारबाट चलचित्र ‘रिमै’ प्रर्दशनको तालिका छ । यस चलचित्रको निर्देशन खिलबहादुर गुरुङले गरेका छन् । यसै दिनबाट माधवराज खनालको निर्देशनमा बनेको चलचित्र ‘चिठ्ठी‘ पनि प्रर्दशन हुनेछ ।
भदौंको अन्तिम शुक्रबार सुशान्त गौत्तमले निर्देशन गरेको चलचित्र ‘अभिमन्यु’ प्रर्दशन हुने भएको छ ।
पछिल्लो समय नेपाली चलचित्रहरु राम्रो चलिरहेका छैनन् । धेरै चलचित्रहरुले लगानी उठाउन समेत मुस्किल परिरहेको अवस्थामा एकै तीन चलचित्रहरु प्रर्दशन गर्न निर्माताहरु तम्सिरहेका छन् ।्
अहिले चलचित्र भवनहरुमा हिन्दी चलचित्रहरु पनि उत्तिकै मात्रामा प्रर्दशन भइरहेको अवस्था छ ।