ललितपुरको दमाईटारमा खुकुरी प्रहार गरी डकैती गर्ने दुई जना पक्राउ

ललितपुरको दमाईटारमा खुकुरी प्रहार गरी डकैती गर्ने दुई जना पक्राउ परेका छन् ।

प्रहरीका अनुसार ज्यान मार्ने उद्योग र डाँका चोरी मुद्दामा संलग्न र्ती दुई जना सोमबार प्रहरीले पक्राउ गरेको हो । पक्राउ पर्नेहरूमा खटाङ घर भई हाल ललितपुर, ललितपुर महानगरपालिका–१७ शिवटोल बस्ने २६ वर्षीय सिमन राई र महालक्ष्मी नगरपालिका–३ ईमाडोल बस्ने १८ वर्षीय किशोर रहेका छन् ।

उनीहरुलेगोदावरी नगरपालिका १४ ठैब दमाईटार सडकमा भदौ १ गते राति बि एएच ९३४५ नम्बरका ट्याक्सी चालकलाई धारिलो हतियार खुकुरी प्रहार गरी घाइते बनाएका थिए ।

ट्याक्सी चालकमाथि आक्रमण गरेपछि उनीहरुले नगद, मोबाइल एवम् चाँदीको सिक्री समेत डाँका चोरी गरी फरार भएको थिए ।
घटनाको अनुन्धानको क्रममा जिल्ला प्रहरी परिसर ललितपुरबाट खटिएको प्रहरीले घटनामा संलग्न उनीहरूलाई ललितपुर महालक्ष्मी नगरपालिका १ शिवटोलबाट पक्राउ गरेको बताइएको छ ।

उनीहरू उपर ज्यान मार्ने उद्योग र डाँका चोरी कसूरमा जिल्ला अदालत ललितपुरबाट म्याद थप अनुमति लिइएको छ ।

सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।