काठमाडौँ । काठमाडौँ तारकेश्वर नगरपालिका–७ साङ्ला खोलामा आज बिहान एक माइक्रोबस दुर्घटना भएको छ। बागमती प्रदेश ०६–००१ ज ०५६२ नम्बरको सो माइक्रोबस खोलामा खसेको हो।
काठमाडौँ–नुवाकोट सडकखण्डमा गुड्ने उक्त सवारी चार्जिङ स्टेसनबाट बसपार्कतर्फ जाँदै गर्दा दुर्घटनामा परेको चालकले बताएका छन्। गाडीमा चालकबाहेक अन्य कोही यात्रु नभएकाले मानवीय क्षति नभएको प्रहरीले जानकारी दिएको छ। चालक पनि सकुशल रहेका छन्।
प्रतिक्रिया