भिएफएक्सको प्रयोगसँगै उच्च प्रविधिको प्रयोगबाट निर्माण गरिएको चलचित्र ‘जेरीः अन टप’को टिजर सार्वजनिक गरिएको छ ।
नेपाली चलचित्र क्षेत्रमा मेगास्टारको परिचय पाएका अभिनेता अनमोल केसी, जसिता गुरुङ, आँचल शर्मा, भुवन केसी, केदारप्रसाद घिमिरे, उषा खड्गी, निर्मल शर्मा लगायतका कलाकारहरुको अभिनय छ ।
विश्वको अग्लो हिमाल सगरमाथा चढ्न हिडेका अनमोल केसी(जेरी)को संर्घषको कथा रहेको चलचित्रमा उच्चस्तरिय मेकिङ रहेको देखिन्छ । त्रिकोणात्मक प्रेम कथामा आधारित चलचित्रको टिजरमा अनमोल र जसिताबीचको चुम्बनको दृश्य समेत समेटिएको छ ।
चलचित्रमा सजन लोप्चन र प्रभात पौड्यालले मेहनतका साथ भिएफएक्स प्रविधिको प्रयोग गरिरहेको बुझ्न सकिन्छ ।
चलचित्र यही असोज ३१ गतेदेखि प्रर्दशनमा आउदैछ । टिजर सार्वजनिक भएसँगै अनमोल केसीका फ्यानहरुले प्रतिकृया दिदै चलचित्रको टिजर राम्रो बनेको लेखेका छन् ।
टिजरमा प्रयोग फुटेजमा किरण थापाको सुन्दर सिनेमेट्रोफीको मज्जा लिन सकिन्छ ।
साइग्रेस पोखरेल क्रियटिभ लेखक रहेको चलचित्र ‘जेरीः अन टप’को विश्वास तिम्सिनाको पटकथा रहेको छ ।
सरोज न्यौपानेको प्रस्तुतिमा अनन्या फिल्मस्को व्यानरमा निर्माण भएको फिल्म ‘जेरीः अन टप’को निर्देशन सुयोग गुरुङले गरेका हुन् ।
प्रतिक्रिया