अभिनेता नाजिरले प्रतिश्पर्धी चलचित्रको प्रिमियरमा दिए शुभकामना

ललितखबर
प्र

प्रर्दशनको तयारीमा रहेको चलचित्र गुलावीका अभिनेतासहित टिमले नै प्रतिश्पर्धी चलचित्र कोशेढुंगाको प्रिमियरमा उभिएर शुभकामना दिएका छन् ।
बुधबार अपरान्ह सुन्धारास्थित एक चलचित्र भवनमा आयोजित प्रिमियरमा अभिनेता नाजिर हुसेन, अनुपम श्रेष्ठ र निर्देशक समुन्द्र भट्ट पुगेका हुन् ।
चलचित्र हेरेपछि सञ्चारकर्मीहरुलाई संक्षिप्त प्रतिकृया दिदै अभिनेता हुसेनले सबै कलाकारहरुको अभिनय मन परेको बताए । भने,‘मन ढक्क बनाउछ ।’
निर्देशक समुन्द्र भट्टले निर्माता दिनेश खड्काले फोन गरेर चलचित्र हेर्न टिमलाई नै निम्ता दिएको बताइन् । भनिन्, ‘फोन गरेर सहकार्य गर्न प्रस्ताव गरेपछि हामी आयौं । हामी एक रथका दुई पाङ्ग्रा बनेर सहकार्य गर्न तयार छौं ।’

उनले चलचित्र हेरिरहँदा कतिपय ठाँउमा मन चसक्क भएको र रुन मन लागेको बताइन् । भनिन्, ‘चलचित्रको प्रर्दशनसँगै हुँदा प्रतिश्पर्धाको महसुस भएको छैन ।’
अर्की अभिनेत्री अनुपमा श्रेष्ठले सबै कलाकारहरुको अभिनय अब्बल लागेको प्रतिकृया दिइन् ।
चलचित्र कोशेढुंगा आज असोज १२ गतेबाट प्रर्दशन हुँदैछ । भने चलचित्र गुलावी असोज १३ गते बाट प्रर्दशनको तयारीमा छ ।