वावुराम भट्टराईले भने, ‘जेन–जीले देशभर जलाएको विश्वास गर्न सकिन्न’

पुर्वप्रधानमन्त्री वावुराम भट्टराईले ‘जेन–जी आन्दोलनकारीले देशभर जलाएको विश्वास गर्न नसकिने बताएका छन् ।
पुर्वप्रधानमन्त्री भट्टराईले सामाजिक सञ्जालमा लेख्दै देशको विधिविधान केन्द्र संसद, प्रशासनिक केन्द्र सिंहदरबार, बहुदलीय लोकतन्त्रका खम्बा मानिने सबै राजनीतिक दलका कार्यालय, सबै प्रमुख दलका नेता र पूर्व प्रमहरूको निजी निवास, राष्ट्रिय मिडिया कार्यालय लगायत सार्वजनिक र निजी सम्पतिमाथि नियोजित ढंगले आगजनी गर्नु जेन–जी जस्तो प्रबुद्ध समुहको कार्य हो भनेर विश्वास गर्न नसकिने धारणा राखेका हुन् ।
राजनीतिक आन्दोलन वा क्रान्तिको क्रममा सांकेतिक रूपमा प्रमुख स्थानहरू क्षणिक रुपमा कब्जामा लिएर आफ्नो झण्डा फहराउने काम गरे पनि यसरी योजन्बद्ध ढंगले आगजनी गर्ने र ब्यक्तिमाथि सांघातिक आक्रमण गर्ने कार्य नगरिने उनले बताएका छन् ।
यस्ता घटनाको आन्दोलनकारी स्वयंले छानवीन गरेर सत्यतथ्य सार्वजनिक गर्नु उपयुक्त गर्नुपर्ने बताउदै अन्यथा यस्ता गतिविधिले आन्दोलनलाई दीर्घकालीन रूपमा ठूलो नोक्सान गर्ने उनको भनाई छ ।