काठमाडौं । राजधानीको चुच्चेपाटी र सोल्टी दोवाटोमा भएका दुई दुर्घटनामा दुई जनाको निधन भएको छ । प्रहरीका अनुसार काठमाडौं महानगरपालिका ६ चुच्चेपाटी भाटभाटेनीस्थित सडकमा म.प्र.०३–००२ ख ४०६७ नम्बरको ट्रकले बा.८६ प ७४५७ नम्बरको स्कुटरलाई मंगलबार दिउँसो ठक्कर दिँदा स्कुटरमा सवार बुढानिलकण्ठ नगरपालिका–१२ कपन बस्ने सिन्धुपाल्चोक बलेफी गाउँपालिका–६ घर भएकी २६ वर्षीया सिता तिमल्सिनाको मृत्यु भएको छ ।
दुर्घटनामा गम्भीर घाइते भएकी उनको सामुदायिक स्तुपा अस्पताल चुच्चेपाटीमा उपचारको क्रममा निधन भएको हो । दुवै सवारी साधनका चालकहरूलाई प्रहरीले नियन्त्रणमा लिएर कानूनी कारवाहीको प्रकृया सुरु गरेको छ ।
साथै काठमाडौंको नागार्जुन नगरपालिका–४ सोल्टी दोवाटोस्थित भएको अर्को दुर्घटनामा बा.प्र – ०१–०३० च ६५०१ नम्बरको इभि भ्यानको ठक्करबाट सोही नगरपालिका–१० घर भएका ६३ वर्षीय हरिचन्द्र लामिछानेको बुधबार बिहान निधन भएको छ ।
ठक्करबाट गम्भीर घाइते भएका उनको मनमोहन अस्पताल स्वयम्भूमा उपचारको क्रममा निधन भएको हो । भ्यान चालकलाई प्रहरीले नियन्त्रणमा लिएर कानूनी कारवाहीको प्रकृया सुरु गरेको छ ।
प्रतिक्रिया