ललितपुरमा विषालु किङ कोब्रा भेटियो

ललितपुर । ललितपुर महानगरपालिका प्रहरी बलले ललितपुरको लुभु क्षेत्रभन्दा माथि पर्ने सिस्नेरी क्षेत्रमा भेटिएको विषालु सर्प किङ कोब्रा (काली नाग) नियन्त्रणमा लिएको छ।

प्रहरीको टोलीले सर्पलाई सुरक्षित तरिकाले नियन्त्रणमा लिएर आसपासका स्थानीयलाई जोखिमबाट बचाएको छ। हाल सर्पलाई आवश्यक सुरक्षा उपाय अपनाउँदै सुरक्षित स्थानमा सारिएको जनाइएको छ।

प्रहरीले नागरिकहरूलाई सर्प देखिएमा छुन नहुन, तत्काल प्रहरीलाई जानकारी दिन सुझाव दिएका छन्।