चन्द्रागिरीमा जुवा खेल्दै गरेका २२ जना पक्राउ

काठमाडौं । चन्द्रागिरी नगरपालिका–८ मातातिर्थ लंकोटमा जुवा खेलिरहेको अवस्थामा २२ जना पक्राउ परेका छन्। स्थानीय ४० वर्षीय दिवाकर महर्जनको घरमा जुवा (कौडा) खेलिरहेको सूचना पाएपछि थानकोट प्रहरी वृत्तबाट खटिएको टोलीले सोमबार साँझ उनीहरूलाई नियन्त्रणमा लिएको हो।

पक्राउ परेकासँग नगद १६ लाख ५३ हजार रुपैयाँ र १६ थान कौडा बरामद गरिएको प्रहरीले जनाएको छ। पक्राउ परेका सबैलाई आवश्यक अनुसन्धान तथा कानुनी कारबाहीका लागि प्रहरीको नियन्त्रणमा राखिएको छ।