निर्देशक कृषा मुम्मईको चलचित्रको सेटमा

काठमाडौं

चर्चित निर्देशक कृषा चौलागाई मुम्मईमा एक चलचित्रको सेटमा देखिएकी छिन् । चलचित्र ‘पारस’को निर्देशनमा जुटेकी निर्देशक चौलागाई एक्सन जनराको चलचित्र निर्माणका लागि तयारीमा व्यस्त छिन् ।

‘ऐचो पैँचो’बाट निर्देशनमा हात हालेकी कृषा चौलागाइँको चलचित्र पिताम्बरमार्फत आफूलाई अब्बल निर्देशक प्रमाणित गरिसकेकी छिन् ।
एक्सन जनरामा निर्माण गर्ने भनिएको यो चलचित्रको छायांकनमा जानुअघि भारतको उनी मुम्बई पुगेर नेपाल फर्किए छिन्।
आगामी फागुनको पहिलो साताबाट छायांकनमा निस्किने तयारीमा रहेको यो चलचित्रको निकै काम सकिसकेको छ। एक्सन जनराकै चलचित्र निर्माणमा गर्न लागेकी निर्देशक कृषा मुम्बई पुगेर मुम्बईका फिल्ममेकरसँग भेटेर नेपाल फर्किएकी छन्। उनले त्यहाँ रहदा गर्दा के गरिन? त्यसको बारेमा उनले केहि जानकारी दिएकी छैनन्। उनको फेसबुक वालमा हेर्ने हो भने उनी चलचित्र सुटिङ सेटमा समेत पुगेको देखिन्छ।
त्यति मात्र होइन। उनले मुम्बईमा खिचेको एक तस्विर सार्वजनिक गर्दै ठुलो सपना बोकेर हिडेको उल्लेख गरेकी छन। उनी लेख्छिन्,‘“ठूलो सपना बोकेर निस्किएको मान्छे,पारस।’
उनको भनाईले उनी गत वर्ष प्रदर्शनमा आएको चलचित्र ‘पिताम्बर’को कमि कमजोरी सुधार्दै पारसलाई नेपालकै गज्जब एक्सन चलचित्र निर्माण गर्न लागेकी हुन्? या मुम्बईमा बसेर उनले चलचित्रका प्राविधिक पक्षहरुसँग कुराकानी गर्दैछिन्? यि प्रश्नहरुको जवाफ उनले नेपाल फर्किएपछि दिन्छिन् नै होला। त्यसका लागि भने केहि दिन प्रतिक्षा गर्नैपर्ने हुन्छ। चलचित्र निर्माता हुँदै निर्देशक बनेकी कृषालाई पछिल्लो समय एक्सन निर्देशक रुपमा समेत परिचित छिन्।