काठमाडौं । नेपाली कांग्रेस विशेष महाधिवेशन पक्षले संस्थापन पक्षलाई ८ बुँदे प्रस्ताव पठाएको छ । प्रस्तावमा सभापति शेरबहादुर देउवालाई कार्यकारी भूमिकाबाट बाहिरिन आग्रह गरिएको छ ।
विशेष महाधिवेशनको स्वामित्व लिनुपर्ने, प्रधानमन्त्रीको उम्मेदवार तय गर्नुपर्ने प्रस्ताव छन् । आज विशेष महाधिवेशन पक्षले संस्थापन पक्षलाई सो प्रस्ताव पठाइएको हो ।
आज बिहान ८ बुँदे पठाइएको वार्ता समितिका सदस्य समेत रहेका केन्द्रीय सदस्य प्रदीप पौडेलले जानकारी दिए ।
यस्ता छन् प्रस्ताव-
–कार्यकारी भूमिकाबाट सभापति शेरबहादुर देउवा बाहिरिनुपर्ने
–विशेष महाधिवेशनको स्वामित्व लिनुपर्ने
–प्रधानमन्त्रीको उम्मेदवार तय गरेर जानुपर्ने
–चुनावी गठबन्धन कुनै पनि दलसँग नगर्ने
–टिकट वितरणका लागि सर्वस्वीकार्य संसदीय बोर्ड गठन गर्नुपर्ने
–निर्वाचन केन्द्रित हुनका लागि ५ सदस्यीय उच्चस्तरीय संयन्त्र गठन गर्नुपर्ने
–उम्मेदवारको टिकटमा देउवाले हस्ताक्षर गर्न नपाउने
– विशेष महाधिवेशनमा पेस भएका प्रतिवेदनहरूलाई पार्टीको पुँजीको रूपमा ग्रहण गर्नुपर्ने
प्रतिक्रिया