दक्षिण ललितपुरमा शिक्षक नै उम्मेदवारको प्रचारमा भेटिएपछि पालिकाद्वारा कारवाहीको चेतावनी

ललितखबर
दक्षिण ललितपुरको बुखेलमा एक शिक्षक निर्वाचन प्रचारमा भेटिएपछि महाँकाल गाँउपालिकाले कारवाहीको चेतावनी दिदै सूचना प्रकाशित गरेको छ ।
सामाजिक सञ्जालमा शिक्षकले भोट मागेको भिडियो भाइरल भएको थियो ।
पालिकाका प्रमुख प्रशासकीय अधिकृत सन्दिप न्यौपानेको हस्ताक्षरित सूचनामा निजामती कर्मचारी,शिक्षक, सुरक्षाकर्मी, राष्ट्रसेवक कर्मचारीले कुनै पनि उम्मेदवारको प्रचारमा संलग्न नहुन अनुरोध गर्दै विरोध वा समर्थन समेत नगर्न उर्जी जारी गरिएको छ ।
निर्वाचन आचार संहित विपरित कार्य गरेको पाइए कानूनी तथा विभागीय कारवाही समेत हुनसक्ने सूचनामार्फत जारी गरिएको छ ।