चलचित्र ‘राम नाम सत्य’को ‘धागोले बाटेको’ गीत टिकटकमा भाइरल

चलचित्र ‘राम नाम सत्य’को ‘धागोले बाटेको’ गीत टिकटकमा भाइरल बनेको छ ।
गीत सार्वजनिक भएको दुई साता नपुग्दै युट्युवमा २१ लाख पल्ट हेरिएको छ भने एक लाखभन्दा धेरै टिकटक बनाइएको छ ।
मुख्य नायक विराज भट्ट र नायिका सुपुष्पा भट्टलाई फिचरिङ गीतमा मुख्य नायक विराज भट्ट र नायिका सुपुष्पा भट्टलाई फिचरिङ छ ।
माइकल चन्दको निर्देशनमा बनेको चलचित्र ‘राम नाम सत्य’मा विराज भट्ट, सुपुष्पा भट्टको साथमा सुशील श्रेष्ठ, दिव्या रायमाझी, आयुषसिंह ठकुरी, प्रशान्त ताम्राकार, सुनिल थापा लगायतका कलाकारहरुको अभिनय छ ।

चैत्रको २७ गतेबाट प्रर्दशनको तयारीमा रहेको यस चलचित्र ‘राम नाम सत्य’को गीत ‘धागोले बाटेको’ सार्वजनिक भएको १३ दिन मात्रै भएको छ । गीत विभिन्न पार्टी र सार्वजनिक कार्यक्रमहरुमा समेत बजेको सुनिन्छ ।

निर्वाचनको समयमा सिंगो देशको ध्यान नै मतदान र मतपरिणाममा तानिएको समयमा पनि यो गीतले भने आफ्नो रफ्तारलाई कायम राखिरहेको देखिन्छ । गीतको चर्चाले चलचित्रको व्यापारमा निकै फाइदा दिने देखिन्छ ।

यो गीतमा बाबुल गिरी र रचना रिमालको स्वर, डाक्टर डीआर उपाध्यायको शब्द, बाबुल गिरीको संगीत छ ।
रोमान्टिक शैलीको यो गीतमा चलचित्रका गरिएको छ । गीतको भिडियोमा विराज र सुपुष्पा रोमान्टिक देखिएका छन् ।
गीतले दर्शकको मन जितेपछि निर्देशक माइकल चन्द उत्साहित देखिए । उनले भने–‘निर्वाचनको छेकोमा हामीले गीत सार्वजनिक गर्दा धेरैले गलत समयमा किन रिलिज गर्नुभयो भनेका थिए । तर, गीत हिट हुनेमा हामी विश्वस्त थियौं । आज दर्शकको मुखमा गीत झुन्डिएको छ । लाखौं टिकटक बनेका छन् । यसले, हामीलाई उत्साहित बनाएको छ ।’
माइकल इन्टरटेन्मेन्ट हाउसको व्यानरमा निर्माण भएको यो चलचित्रमा उपेन्द्र शाही र स्वेता बिमलीको लगानी छ । किशोर भट्ट, राजेन्द्र भट्ट र अर्जुन सुनार चलचित्रका कार्यकारी निर्माता हुन् ।
मोती कार्की क्रियटिभ प्रोड्यूसर रहेको यो चलचित्रका लाइन प्रोड्यूसर राजेन्द्र आचार्य हुन् । बाबुल गिरी, अर्जुन पोखरेल, एसडी योगी र नवा अन्सारीको संगीत चलचित्रमा छ ।
माइकल चन्दकै कथा र पटकथा रहेको यो चलचित्रमा मानकृष्ण महर्जनको डीओपी, श्री श्रेष्ठको एक्सन निर्देशन, बन्दे प्रसादको सम्पादन, काला चरणको व्याकग्राउन्ड म्युजिक छ ।
सियोन श्रेष्ठको कोरियोग्राफी रहेको चलचित्रमा राजेन्द्र मोक्तानको कलर, नवराज शर्माको मुख्य निर्देशन, साहिल खानको टिजर र ट्रेलर छ । चलचित्रका स्क्रिप्ट सल्लाहाकार अभिमन्यू निरवी र समय थपलिया हुन् ।
यो चलचित्रले ‘पर्दा पछाडिको पर्दा’को थिम बोकेको छ । चलचित्रलाई एक्सन, सस्पेन्स र लभ स्टोरी कथामा निर्माण गरिएको छ ।