भक्तपुरको गुण्डुमा चलचित्र ‘हामी तीन भाइ’ को गीत ‘झम्के फुली’ को छायांकन भइरहेको छ ।
चलचित्र यही चैत्र १३ गतेबाट देशव्यापी रुपमा प्रदर्शनमा आउने तयारीमा छ ।
निर्देशक मधुसुधन भट्टराईको निर्देशनमा चलचित्रमा विनोद न्यौपाने, कुशल बिष्ट र फलित राई, लक्ष्मी बर्देवा, राजाराम पौडेल, रवीन्द्र झा लगायतका कलाकारको पनि अभिनय रहनेछ। फिल्म प्रसिद्धी सिने आट्र्स प्रा.लि.को ब्यानरमा निर्माण भइरहेको हो भने निर्मातामा त्रिरत्न श्रेष्ठ र मनोज श्रेष्ठ रहेका छन्।
प्रसिद्धी सिने आट्र्स प्रा.लि. को ब्यानरमा निर्माण भइरहेको यस फिल्मको उक्त गीतमा साप शक्ति र अस्मिता अधिकारीको स्वर रहेको छ।
गीतका शब्द सुवल मणि सापकोटाले लेखेका हुन् भने संगीत पनि साप शक्तिकै रहेको छ। गीतको रेकर्डिङ अनामनगरस्थित ए प्लस स्टुडियोमा गरिएको हो। यस गीतको संगीत संयोजन (एरेन्ज) महाराज थापाले गरेका छन्।
ग्रामीण परिवेश र स्थानीय स्वाद झल्काउने शैलीमा तयार गरिएको यो गीतलाई रंगीन र जीवन्त बनाउन अहिले गुण्डुमा छायांकन भइरहेको निर्माण पक्षले जनाएको छ।
प्रतिक्रिया