चापागाँउ
ललितपुर क्षेत्र नं. १का सासंद बुद्धरत्न महर्जन सडक दुर्घटनामा परेर घाइते भएका छन् ।
राष्ट्रिय स्वतन्त्र पार्टी गोदावरी सभापति दिलिप थापाका अनुसार महालक्ष्मी नगरको सिद्धिपुरमा उनी चढेको स्कुटर दुर्घटनामा परेपछि उनको उपचारका लागि पाटन अस्पताल लगिएको थियो ।
सासंद महर्जनको खुट्टामा चोट लागेको छ । नगरसभापति थापाले भने, ‘अहिले प्लाष्टर गरिएको छ । डाक्टरले केही समय आरा मगर्न सुझाव दिएका छन् ।’ उनी मतदातालाई धन्यवाद दिन ललितपुरकाृ क्षेत्र नं. १ जाने तयारीमा थिए । ललितपुर महालक्ष्मीका स्थायी बासिन्दा महर्जन यस क्षेत्रमा पुर्वमन्त्री जगदिश खरेलले उम्मेदवारी दिने इच्छा देखाएपछि क्षेत्र नं.१ रोजेर उम्मेदवारी दिएका थिए ।
सासंद महर्जनलाई मोटरसाइकलले ठक्कर दिएको र मोटरसाइकल चालक समेत घाइते भएको समाचार प्राप्त भएको छ ।
यद्यपी लुभू प्रहरी प्रभागले घटनाको पुष्टि गर्दै घाइते सासंद महर्जनले प्रहरी कार्यालयको सम्पर्कमा अहिलेसम्म नआएको जानकारी दिएको छ । घाइतहरु उपचारमा गएको प्रहरीको भनाई छ । थप विवरण प्रहरी कार्यालयले दिन चाहेन ।
दुर्घटनामा घाइते भएपछि आउँदो विहीबार हुने संसदको सपथ ग्रहण समारोहमा उपस्थित हुन नसक्ने अवस्था श्रृजना भएको छ ।
प्रतिक्रिया