कार दुर्घटनामा तीनको मृत्यु दुई जना घाइते

२० कार्तिक ०७६,अर्घाखाची ।   सन्धिखर्क नरपानीमा कार दुर्घटना हुँदा तीन जनाको मृत्यु  भएकाे छ  ।

गोरुसिङ्गे–सन्धिखर्क सडकखण्डको नरपानीमा केहीबेर अघि बा १७ च ६९१७ नम्बरको कार दुर्घटना हुँदा तीन जनाको मृत्यु   दुई जना  घाइते  भएकाे स्थानीय प्रकाश महत्राले जानकारी दिए ।

यसैगरी कार रुपन्देहीको सैनामैनाबाट सन्धिखर्क आउँदै थियो भने घटनामा दुई पुरुष एक महिलाको मृत्यु भएको छ र उनीहरुको पहिचान हुन बाँकी रहेको छ । घाइतेलाई उपचारका लागि प्राथमिक स्वास्थ्य केन्द्र पठाइएको जिल्ला प्रहरी कार्यालयका प्रहरी नायब उपरीक्षक प्रकाश विष्टले जानकारी दिनुभयो।
घटनास्थलमा स्थानीयवासी र प्रहरीले उद्धार गरिरहेका छन् ।