सासंद सिलवालले दिए राम मन्दिरलाई २५ लाख

२६ फागुन ०७६, गोदावरी । ललितपुर गोदावरीमा जारी श्रीमद भागवत महायज्ञमा सहभागी ललितपुरका सासंद नवराज सिलवालले राम मन्दिरपरिसरमा निर्माण हुने दिवा सेवा केन्द्रलाई २५ लाख बजेट दिने घोषणा गर्नु भएको श्रीमद् भागवत महायज्ञ आयोजक कमिटीमा अध्यक्ष राज घिमिरेले ललितपुर खबरलाई बताउनु भयो ।
गतबुधबारबाट गोदावरी नहरमा शुरु गरिएको श्रीमद् भागवत महायज्ञमा सासंद सिलवाल सहभागी भएर सासंद विकाश कोषबाट यो रकम दिने घोषणा गर्नु भएको हो ।
साथै कार्यक्रममा यज्ञकुमारी,रम्ने सिलवाल,बाबुमैया सिलवाल,स्व.अर्जुन सिलवालको तर्फबाट रु.५० हजार ५ सय ५ रुपैयाँ संयुक्त रुपमा दान गर्नुभएको छ ।
गोदावरी ३ तान्चिन्टार निबासी ब्यवसायी धिरज रम्तेलले रु.१,५१,१११ र गोदावरी २ निबासी जि एस राईले रु.२,५१,१११ दान गर्नु भएको छ । राजाराम सिल्वालका आमा ९४ बर्षका खुगकुमारी सिल्वालको तुलादान समेत गर्नुभयो ।
फागुन २९ गते सप्ताह महायज्ञका दिन जेष्ठ नागरिक भवनको जग पुजा को कार्यक्रम रहेको महायज्ञ मुल समारोह समितीका अध्यक्ष मनोहर सिल्वालले जानकारी दिनुभयो ।