पोर्चुगल पठाइदिन्छु भन्दै लाखौं ठग्ने नक्कली दलाल पक्राउ

१५ मङ्सिर ०७७, काठमाडौं । वैदेशिक रोजगारको लागि पोर्चुगल पठाईदिन्छु भनि नगद १६ लाख २५ हजार २ सयद ५० रुपैयाँ ठगी गरेको अभियोगमा रुपन्देही ओमसतिया गाउँपालिका ६ घर भई काठमाडौं महानगरपालिका १६ सोह्रखुट्टे बस्ने ३३ वर्षीय शिव नारायण चौधरीलाई आइतबार दिउँसो प्रहरीले पक्राउ गरेको छ ।
शिव नारायणले रुपन्देही जिल्लाका २ जना व्यक्तिहरूबाट त्यस रकम बैंक खातामा जम्मा गर्न लगाई अफर लेटर, भिषा लगायतका कागजातहरू नक्कली बनाई ठगी गरेको भन्ने पीडितहरूको उजुरीको आधारमा महानगरीय अपराध महाशाखाबाट खटिएको प्रहरीले उनलाई काठमाडौं सुन्धाराबाट पक्राउ गरेको हो ।
उनलाई ठगी सम्बन्धी कसूरमा आवश्यक कारबाहीका लागि महानगरिय प्रहरी परिसर काठमाडौं पठाइएको महाशाखाले जनाएको छ ।