५० राउन्ड गोलीसहित विमानस्थलबाट झापाका राई पक्राउ

२० पुस ०७७, काठमाडौं । काठमाडौंबाट भद्रपुर उड्न लागेको श्री एयरलाइन्समा टिकट काटेका एक व्यक्ति ५० राउन्ड गोलीसहित विमानस्थलबाट पक्राउ परेका छन् । पक्राउ पर्नेमा झापा मेचीनगर नगरपालिका–२ का बद्रीहाङ राई रहेका छन्।

उनलाई नाइन एमएम पेस्तोलमा लाग्ने गोलीसहित सोमबार पक्राउ गरिएको विमानस्थल सुरक्षा प्रमुख एसएसपी राजेशनाथ बाँस्तोलाले बताए।

पौने १ बजे श्री एयरलाइन्सको जहाजमा उनी भद्रपुर उड्न लागेका थिए। प्रहरीले चेकिङका क्रममा उनको झोलाबाट गोली बरामद गरेको हो । पक्राउ परेका राईलाई आवश्यक अनुसन्धानका लागि अहिले महानगरीय प्रहरी वृत्त गौशालामा राखिएको छ।