दोलखामा जीप दुर्घटना हुँदा चार जनाको मृत्यु

३१ चैत ०७७, दोलखा। दोलखामा जीप दुर्घटना हुँदा चार जनाको मृत्यु भएको छ ।
दोलखाको बिगु गाउँपालिका ४ लादुकमा सोमबारराति प्रदेश ३-०१-०२३ च ७५८० नम्बरको जीप दुर्घटना हुँदा बिगु ३ का २४ वर्षीया चण्डीका थापा, ३५ वर्षीय विनोद केसी, ४५ वर्षीया अजिता खत्री, ५२ वर्षीया राधा खड्काको ज्यान गएको जिल्ला प्रहरी कार्यालय दोलखाले जनाएको छ ।

सिन्धुपाल्चोकको तातोपानी गएर फर्किएको जीप बिगु गाउँपालिकाको लादुकमा दुर्घटनामा परेको हो । दुर्घटनामा चालकसहित १८ जना घाइते भएका छन् । उनीहरुमध्ये ७ जनाको दोलखामा र अरुको धुलिखेल र काठमाडौंको ट्रमा सेन्टरमा उपचार भइरहेको छ ।