वैशाख ७ देखि कोरोनाविरुद्धको दोस्रो डोज खोप(कहाँ, कहाँ लगाउने ?)

३१ चैत ०७७, काठमाडौं । कोरोनाविरुद्धको पहिलो खोप लगाइसकेकाका लागि दोस्रो डोज वैशाख ७ देखि ११ गतेसम्म लगाइने भएको छ ।
स्वास्थ्य कार्यालय काठमाडौंले मंगलबार कोभिड खोपको दोस्रो डोज लगाउने स्थान र मिति सार्वजनिक गरेको हो।
गत माघ १४ देखि फागुन १० गतेसम्म पहिलो डोज खोप लगाएकालाई दोस्रो डोज लगाउन कार्यालयले सूचना जारी गरेको हो । कार्यालयका अनुसार वैशाख ७ देखि ११ गतेसम्म राजधानीका विभिन्न १९ अस्पतालमा कोभिड खोपको दोस्रो डोज लगाउन सकिनेछ।