१५ वैशाख ०७८, धुलिखेल । धुलिखेल अस्पतालले ५ सय रुपैयाँमै पीसीआर परीक्षण गर्न थालेको छ ।
बढीभन्दा बढी व्यक्तिमा कोरोना परीक्षण गर्न र स्थानीय स्तरमा संक्रमण नियन्त्रणमा राख्न सहयोग पुगोस् भनेर वैशाख १५ देखि जेठ १५ सम्म न्यूनतम शुल्कमा परीक्षण थालिएको अस्पतालले जनाएको छ । अस्पतालका प्रशासकीय निर्देशक डा. रमेश माकजूका अनुसार आर्थिक क्षमता कमजोर भएको स्वघोषणा गर्ने व्यक्तिलाई न्रिः शुल्क परीक्षणको व्यवस्था मिलाइएको हो ।
सरकारले पीसीआर परीक्षणका लागि सरकारी स्वास्थ्य संस्थामा १ हजार र निजीमा २ हजार रुपैयाँ शुल्क तोकेको छ ।
प्रतिक्रिया