१४ भदौं ०७८, काठमाडौं । नेपाली कांग्रेसका नेता गगन थापाले महामन्त्री पदमा उम्मेदवारी दिने घोषणा गरेका छन् । आसन्न १४ औं महाधिवेशनमा नेता थापाले महामन्त्री पदमा उम्मेदवारी दिने घोषणा गरेका हुन् ।
सोमबार काठमाडौं महानगरपालिका वडा नम्बर ३० मा आयोजित क्रियाशील सदस्यहरुको भेलालाई सम्बोधन गर्दै थापाले नेपाली काँग्रेसलाई एक ढिक्का बनाउने मूख्य एजेण्डा लिएर महामन्त्रीमा उम्मेदवारी दिने बताए ।
उनले अघिल्लो पटक १३ औँ महाधिवेशनमा पनि महामन्त्रीमा पदमा उम्मेदवारी दिएका थिए । तर त्यसबेला उनले ५८४ मत पाएर पराजित भएका थिए । १३ महाधिवेशनबाट महामन्त्रीमा शशांक कोइराला निर्वाचित भएका थिए ।
यस पटक भने आफूले महामन्त्री पद जित्ने नेता थापाको विश्वास छ ।
प्रतिक्रिया