१९ असोज ०७८, काठमाडौं । नेपालमा मंगलबार १६०४२ नमूना परीक्षणमा ९ सय ६८ जनामा कोरोना भाइरस (कोभिड–१९) संक्रमण पुष्टि भएको छ। पछिल्लो २४ घण्टामा ११ हजार ५८२ नमूनाको पीसीआर र ४ हजार ४६० नमूनाको एन्टिजेन विधिबाट परीक्षण गरिएको थियो। जसमध्ये पीसीआर विधिबाट ७६२ र एन्टिजेन विधिबाट २०६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यस्तै पछिल्लो २४ घन्टामा कोरोनाबाट थप ६ जनाको मृत्यु भएको छ। योसँगै नेपालमा कोरोनाबाट मृत्यु हुनेको संख्या ११ हजार १८० पुगेको हो। मन्त्रालयका अनुसार मंगलबार थप १ हजार ११४ जना कोरोनामुक्त भएका छन्।
कोरोनाका सक्रिय संक्रमितको संख्या १६ हजार २४८ पुगेको छ। मन्त्रालयका अनुसार संक्रमित ३३५ जनाको भेन्टिलेटरमा र १२२ जनाको आइसीयूमा उपचार भइरहेको छ। पछिल्लो २४ घन्टामा १३२८९६ जनाले कोरोनाविरुद्धको खोप लगाएका छन्।
यस्तै काठमाडौं उपत्यकामा ३०२ जना कोभिड संक्रमित थपिएका छन् । मंगलबार काठमाडौंमा २३१, भक्तपुरमा ३० र ललितपुरमा ४१ जना संक्रमित थपिएका हुन् ।
योसँगै उपत्यकामा सक्रिय संक्रमितको संख्या ३ हजार ७४७ पुगेको छ ।
प्रतिक्रिया