संखुवासभा बस दुर्घटनामा मृतकको संख्या १५ पुग्यो(अपडेट)

२६ फागुन ०७८, काठमाडौं । संखुवासभाको मादीमा भएको सवारी दुर्घटनामा थप एक जनाको मृत्यु भएको छ । योसँगै मृत्यु हुनेको संख्या १५ पुगेको छ।

मादी नगरपालिका–६ स्थित सात घुम्तीमा बिहीबार बिहान भएको बस दुर्घटनामा परी गम्भीर घाइते भएकी मादी नगरपालिका ५ की युका पोखरेलको उपचारका क्रममा मृत्यु भएसँगै मृतकको संख्या १५ पुगेको प्रहरीले जनाएको छ।
यसअघि घटनास्थलमै १४ जनाको ज्यान गएको प्रदेश १ प्रहरी कार्यालय विराटनगरका एसपी नविनराज राईले जानकारी दिए।

दुर्घटनामा घाइते भएकामध्ये पाँच जनालाई नेपाली सेनाको हेलिकप्टरबाट उपचारका लागि धरानस्थित बीपी कोइराला स्वास्थ्य विज्ञान प्रतिष्ठान ल्याइएको थियो। ४ जनाको उपचार भइरहेको अस्पतालले जनाएको छ।

बिहीबार बिहान साढे ७ बजे मादीको ओखरबोटे बजारबाट झापाको दमकतर्फ जाँदै गरेको बा ४ ख ७३५ नम्बरको बस मादी नगरपालिका–६ को पुलुङस्थित सात घुम्तीमा दुर्घटना भएको हो।

मृतकहरू

• ३५ वर्षिय विपिन निरौला (सवारी धनी तथा चालक) औँशीडाँडा, तेह्रथुम
• ३५ वर्षिय उमेश भट्टराई (सहचालक) मादी–६, संखुवासभा
• ४५ वर्षिय दीपक दाहाल- मादी ५, संखुवासभा
• ५२ वर्षिय श्याम शेर्पा- मादी ५, संखुवासभा
• ५५ वर्षिय भवानी दाहाल- मादी ५, संखुवासभा
• ३८ वर्षीय इन्द्रबहादुर अधिकारी- मादी ६, संखुवासभा
• ५ वर्षिया दिक्षा कटवाल- मादी ६, संखुवासभा
• ३२ वर्षिया अन्जना कटवाल, मादी ६ संखुवासभा
• ३८ वर्षीय आइतबहादुर तामाङ- मादी ४, संखुवासभा
• ३५ वर्षिया सबिता राउत कार्की- मादी ४, संखुवासभा
• ३० वर्षिया सीता विक- मादी ६, संखुवासभा
• ६० वर्षिय बलबहादुर कार्की-मादी ४, संखुवासभा
• ३१ वर्षीया समिक्षा योन्जन- ताप्लेजुङ
• ८ वर्षिय सुदीप घिसिङ- ताप्लेजुङ
• ३० वर्षिया युका पोखरेल- मादी ५, संखुवासभा

घाइतेहरू

• ३० वर्षिय सुबास गोले – मादी ५ , संखुवासभा
• २२ वर्षिय तुलसा कट्वाल- मादी ६, संखुवासभा
• अम्बिका बिक-मादी ६, संखुवासभा, संखुवासभा
• ५० वर्षिय डम्बरबहादुर कार्की- मादी ६, संखुवासभा