बझाङमा जीप दुर्घटना, एक जनाको मृत्यु , ३ जना घाइते

४ वैशाख ०७९, काठमाडौं। जिल्ला प्रहरी कार्यालय बझाङले नेपाली कांग्रेस बझाङका सभापति खडक बोहरा र उनका परिवार सवार जीप दुर्घटना भएको जनाएको छ । अधिकारी कमलप्रसाद चौधरीले जानकारी दिनु भएको छ । बझाङमा जीप दुर्घटना हुँदा एक जनाको मृत्यु भएको छ भने ३ जना घाइते भएका छन् ।

जीपमा ३ जना महिला र ६ जना पुरुष गरी ९ जना सवार थिए भने नेटवर्क समस्याका कारण घटनाको विस्तृत विवरण आउन बाँकी छ । बझाङको सुर्माबाट धनगढीतर्फ गइरहेको सुपप्र ०१–००१ च ००९५ नम्बरको जीप वित्थडचिर गाउँपालिका वडा नम्बर ४ देउलेख बजार नजिकै दुर्घटना भएका हो । दुर्घनामा परी सुर्माका विनोद बोहराको घटनास्थलमै ज्यान गएको छ भने ३ जना घाइतेको देउलेख प्राथमिक स्वास्थ्य केन्द्रमा उपचार हुन नसकेपछि धनगढी रेफर गरिएको छ । प्रहरीका अनुसार जीप गएराति १२.४० बजे दुर्घटना भएको हो ।