गोरखाको मतदान केन्द्रमा अज्ञात समुुहले गोली चलायो, एक जना घाईते

३० वैशाख ०७९,  गोरखा । गोरखाको भीमसेन थापा गाउँपालिका—२ ताराखसे स्थित सिद्धकाली माविको मतदान केन्द्रमा गोली चलेको छ । मतदानको क्रममा माओवादी र कांग्रेसका कार्यकर्ताहरु बीचको विवाद चर्किरहँदा गोली चलेको हो । करिब साढे चार बजेदेखी यहाँ विवाद चर्किएको हो ।

घटना स्थलमै भएका स्थानीय सुनिल लामिछानेका अनुसार गोली लागेर मतदान केन्द्रमा खटिएकी स्वयंमसेविका मनिषा थापा घाईते भएकी छिन् । थापाको खुट्टामा गोली लागेको उनले जानकारी दिए । घाईतेको उपचारका लागि काठमाण्डौँ लैजाने तयारि गरिरहेको प्रजिअ शंकरहरि आचार्यले जानकारी दिए । ‘घाईतेको उपचारका लागि हेलिकप्टर मगाएर काठमाण्डौँ लैजाने तयारी भईरहेको छ । हेलीकप्टर मगाईसकेका छौँ’, प्रजिअले भने ।