तीन दिन मनसुन थप सक्रिय

१४ असार ०७९, काठमाडौं ।  आगामी तीन दिन मनसुन थप सक्रिय हुने भएको छ । मंगलबारदेखि बिहिबार सम्म मनसुनको न्यून चापीय रेखा नेपालको तराई भूभाग नजिक आइपुग्ने सम्भावना रहेकोले मनसुन थप सक्रिय हुन लागेको जल तथा मौसम विज्ञान विभागले जनाएको छ ।

आगामी तीन दिन देशको पहाडी भूभागमा पहिरो तथा गेग्र्यान बहावको जोखिम रहनुका साथै ठूला तथा साना नदीनाला र खोलामा पानीको सतह बढ्न सक्ने छ । त्यसैले यातायात क्षेत्र प्रभावित हुन सक्ने भएकाले आवश्यक सतर्कता तथा पूर्वतयारी अपनाउन सर्वसाधारण तथा सबै सरोकारवाला निकायमा विभागले अनुरोध गरेको छ ।