गोदावरीको फुल्चोकी जंगलमा आफ्नै श्रीमतीको हत्या गरेर फ्याकेको अभियोगमा बृद्ध पक्राउ

२९ भदौ ०७९, ललितपुर । आफ्नै ४७ वर्षीया श्रीमती रुपा क्षेत्रीको हत्या गरेको अभियोगमा दोलखा भिमेश्वर नगरपालिका ९ घर भई ललितपुर महानगरपालिका २९ हरिसिद्दी बस्ने ६३ वर्षीय बृद्ध घ्याल्मो लामालाई प्रहरीले पक्राउ गरेको छ ।
प्रहरीका अनुसार गोदावरी नगरपालिका ३ फुलचोकीस्थित जंगलमा सडिगलेको अवस्थामा आइतबार दिउँसो रुपाको शव फेला परेको घटनाको अनुसन्धानको क्रममा जिल्ला प्रहरी परिसर ललितपुरबाट खटिएको प्रहरीले घटनामा संलग्न लामालाई पक्राउ गरेको हो ।
लामाले भदौ १६ गते दिउँसो श्रीमतीसँग वादविबाद भएको कारण डोरीले घाँटीमा बाधेर हत्या गरेको प्रारम्भिक अनुसम्धानको क्रममा खुल्न आएको छ ।
घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।