भाईटिको दिन आगलागीपछि घर जलेर नष्ट,लाखौँको क्षति

११ कात्तिक ०७९,ताप्लेजुङ । ताप्लेजुङको सिदिङ्वा गाउँपालिका ७ सुरुम्खिममा भाइटीकाको दिन । बुरुम्खिम टोलका स्थानीय भीष्मराज खुदाङको घर जलेर नष्ट भएको हो । उनको घरमा आगलागी हुँदा लाखौँ मूल्य बराबरको क्षति भएको छ ।
बिहीबार दिउँसो भएको आगलागीबाट घर पूर्णरूपमा जलेर नष्ट भएको सुरुम्खिमका वडाध्यक्ष लक्ष्मण तामाङले बताएका छन् । आगलागीबाट घरभित्र भएको खाद्यान्न, लत्ताकपडा, भाँडावर्तनलगायतका अन्य सम्पूर्ण सामग्री जलेर नष्ट हुँदा अनुमानित रु १५ लाख बढीको क्षति भएको हुनसक्ने तामाङले जानकारी दिए ।
क्षतिको यकिन विवरण भने आइनसकेको उनले बताए । आगलागीको कारण पनि खुल्न नसकेको वडाध्यक्ष तामाङले जानकारी दिए ।