२० कात्तिक ०७९, काठमाडौं । प्रहरीको साइबर ब्यूरोले नक्कली फेसबुक आईडी बनाएर महिलाको चरित्र हत्या गरेको आरोपमा एक युवकलाई पक्राउ गरेको छ । पक्राउ पर्नेमा सप्तरी सुरूङगा नगरपालिका वडा –१ बस्ने १९ वर्षीय सुमित कुमार थापा रहेका छन् ।
उनले सामाजिक सञ्जाल फेसबुकमा समिरा शर्मा (बेबी) नामको फेक आइडी बनाएर पीडितको तस्वीरसँगै अपरिचित महिलाहरुको अश्लील तस्वीर, भिडियो पोस्ट गर्नुका साथै धम्कीपूर्ण म्यासेज पठाएर मानसिक यातना दिने गरेका थिए ।
उनीविरुद्ध आइतबार काठमाडौं जिल्ला अदालतबाट ७ दिनको म्याद थप गरेर विद्युतीय कारोबार ऐन अन्तर्गत कारबाहीका लागि अनुसन्धान भइरहेको प्रहरीले जनाएको छ ।
प्रतिक्रिया