२२ कात्तिक ०७९, काठमाडौं । अख्तियार दुरुपयोग अनुसन्धान आयोगले चालु आर्थिक वर्षमा विशेष अदालतबाट फैसला भएका ११२ वटा मुद्दामा सर्वोच्च अदालतमा पुनरावेदन गरेको छ ।
आयोगले मंगलबार पत्रकार सम्मेलन गर्दै चालु आर्थिक वर्ष २०७९/०८० मा विशेष अदालतले फैसला गरेका एक सय १२ वटा मुद्दाहरुमा चित्त नबुझी सर्वोच्च अदालतमा पुनरावेदन गरेको जनाएको हो । १८ वटा मुद्दामा भने आयोगसँग पर्याप्त प्रमाण नपुग्ने भएकाले पुनरावेदन नगर्ने निर्णय अख्तियारले गरेको छ ।
चालु आर्थिक वर्षमा विशेष अदालतबाट १ सय ६३ वटा मुद्दाको फैसला प्राप्त गरेकामा २० वटा मुद्दामा मात्रै अख्तियारले सफलता हात पारेको छ ।
त्यसमध्ये १ सय १२ वटा मुद्दामा मुद्दामा आयोगको चित्त नबुझेका कारण अख्तियार पुनरावेदनमा गएको हो ।
आयोगले २४ वटा मुद्दामा पुनरावेदन जाने गरी काम गरिरहेको र ती मुद्दाहरुको फैसला प्राप्तिका लागि कुरिरहेको छ ।
पुनरावेदनमा गएका मुद्दाहरु मध्ये गलत प्रतिवेदनका २ वटा, झुटा बिल भरपाईका २ वटा, घुस/रिसवतका १०४ वटा, सार्वजनिक सम्पत्ति हानी नोक्सानीको १, गैरकानूनी लाभ तथा हानीका २ र राजस्व चुहावटको १ वटा रहेका छन् ।
गत आर्थिक वर्षमा विशेष अदालतबाट १४८ वटा मुद्दाको फैसला प्राप्त गरेकोमा ५७ वटामा मात्र सफलता प्राप्त गरेको छ ।
प्रतिक्रिया