बसको ठक्करबाट पत्रकार हितंगाको निधन

काठमाडौं, १४ फागुन । सवारी दुर्घटनामा रुपन्देहीका पत्रकार मनोज हितंगाको मृत्यु भएको छ ।
शनिबार राति मोटरसाइकललाई बसले ठक्कर दिँदा त्यसमा सवार हितंगा गम्भीर घाइते भएका थिए । उनको उपचारका क्रममा मृत्यु भएको हो ।
लु ८ प ९०६८ नम्बरको मोटरसाइकलमा सवार उनलाई राति करिब सवा ११ बजे सुदूरपश्चिम प्रदेश ०७-०२-००१ ख १२२६ नम्बरको बसले बसपार्क नजिक ठक्कर दिएको प्रहरीले जनाएको छ ।

गम्भीर घाइते भएका उनको लुम्बिनी प्रादेशिक अस्पतालमा उपचारको क्रममा मृत्यु भएको हो ।