भर्खरै दुखद दुर्घटनामा एकको मृत्यु, सात घाइते

दुर्घटनामा मृत्यु हुनेमा खाँडादेवी ७ का ३३ वर्षीय कर्मसिंह तामाङ रहेका

१९ चैत्र । खाँडादेवी गाउँपालिका १ राकाथुमको बेलपोखरी डाँडा (ठुटे पिपलबोट)मा बा१६च ३८२५ नंको बलेरो जिप दुर्घटना हँुदा एक जनाको घटनास्थलमै मृत्यु भएको छ भने सात जना घाइते भएका छन् ।

दुर्घटनामा मृत्यु हुनेमा खाँडादेवी ७ का ३३ वर्षीय कर्मसिंह तामाङ रहेका प्रहरी नायब उपरीक्षक होमबहादुर पराजुलीले जानकारी दिएका छन् । उनका अनुसार सो जिप सडकबाट करिब चार सय मिटर तल खसेको थियो ।

घाइतेमध्ये दुई जनाको अवस्था गम्भीर रहेको छ । जिप सुनापति गाउँपालिकाको दिमीपोखरीबाट काठमाडाँै जाँदै गरेको थियो । घाइतेलाई उपचारका लागि धुलिखेल अस्पताल पठाइएको छ ।