३० बैशाख । भ्रस्टाचार बिरुद्धको आन्दोलनमा नेता वावुराम भट्टराई र डा.तोसिमा कार्की सहभागी भएपछि काठमाडौं महानगरका मेयर बालेन शाहले कडा प्रतिकृया दिएका छन् ।
उनले नेताहरुलाई सिधै लगेर बागमतीमा चोपाल्नुस् भन्दै सामाजिक सञ्जालमा लेखेका छन् ।
उनले भनेका छन्,‘यस्तो सडक नाटक धेरै देखी सक्यो हाम्ले । पत्याउदिन म चही ।’
उनले आम सर्वसाधारणलाई तपाईँहरुलाई यत्रो भोट दिएर नेता बनाको आन्दोलन गर्नलाई हैन, सिधै कारबवही गर्नलाई हो, सिधै कार्बाही गर्ने नीति बनाउनलाई हो भन्दै लेखेका छन् ।
पछिल्लो समय मेयर बालेन शाह राजनीतिक नेताहरुप्रति कडा प्रतिकृया दिदै आएका छन् । उनी ठीक एक बर्षअघि स्वतन्त्र उम्मेदवारका रुपमा काठमाडौं महानगरमा भारी मतका साथ विजयी भएका थिए ।
यस्तो छ महानगरका मेयरले लेखेको स्टाटस :
भ्रस्टाचार बिरुद्धको आन्दोलन ? ?
को नेता हो थाह छ ?
घर कहाँ हो थाह छ ?
सिधै लगेर बागमतीमा चोपाल्नुस ।
यस्तो सडक नाटक धेरै देखी सक्यो हाम्ले ।
पत्याउदिन म चही ।
तपाईँहरुलाई यत्रो भोट दिएर नेता बनाको आन्दोलन गर्नलाई हैन, सिधै कार्बाही गर्नलाई हो, सिधै कार्बाही गर्ने निती बनाउनलाई हो ।
प्रतिक्रिया