गोदावरीमा पर्यटकले क्युआर कोड स्क्यान गरेर जानकारी लिन सक्ने

२८ जेठ । ललितपुरको गोदावरी पर्यटनका हिसाबले सुन्दर र आकर्षक क्षेत्र हो । विशेषतः छुट्टीका दिन आन्तरिक पर्यटकको भिड हुने गर्दछ । शान्त शितल गोदावरीमा रम्न र हरिया डाडाकाडा हेर्न पर्यटक लालायित हुन्छन् । धार्मिक हिसाबले पनि सुन्दर पर्यटकीय क्षेत्र हो ।
सुन्दर पर्यटकीय क्षेत्र गोदावरीबारे जानकारी दिन भर्खरै क्युआर स्क्यान बोर्ड राखिएको छ । गोदावरी नगरपालिका वडा न. ३ मा पर्यटन प्रवद्र्धन गर्न क्युआर स्क्यान बोर्ड राखिएको हो । क्युआर स्क्यान गरेर पर्यटकले यस क्षेत्रको सम्पुर्ण जानकारी लिन सक्ने वडा कार्यालयले जानकारी दिएको छ ।
गोदावरी घुम्न आउने पर्यटकलाई वडाभित्र सबै सम्पुर्ण मठ मन्दिर, स्कुल कलेज, होटल, रेष्टुरेन्ट, बोटानिकल गार्डेन, बनस्पति स्थल ,मार्वलडाडालगायतको जानकार लिन सकिन्े बताइएको छ । वडा कार्यालयका अनुसार अडियो, भिडियो,फोटो र ती ठाउहरुको छोटो लिखित जानकारी सहितको क्युआर स्क्यान वोर्ड वडाका पोल र चोकमा राखिएको छ । क्युआार स्क्यानमार्फत घुम्नका लागि सहज बनाउने प्रयास गरिएको वडाध्यक्ष राज घिमिरे बताउछन् ।
गोदावरी भ्रमणमा आउने बाह्य पर्यटकहरुलाई वडाबारे सहजै जानकारी, गुगल म्यापसहित थप जानकारी दिने उद्देश्यले क्युआर स्क्यान बोर्ड राखिएको वडाध्यक्ष घिमिरेको भनाई छ ।