आजदेखि काठमाडौंका हलमा हिन्दी चलचित्र प्रतिबन्ध,मेयर बालेनलाई हलहरुको साथ

४ असार । आजदेखि काठमाडौं महानगरका चलचित्र हलहरुमा हिन्दी सिनेमा प्रतिबन्ध लागेको छ ।

भारतीय चलचित्र ‘आदिपुरुष’को एक संवादमा सिताको जन्म भारतमा भएको राखिएको पाइएपछि महानगरका मेयर बालेन शाहले तीन दिनअघि चलचित्रको संसाद नसच्याए प्रतिबन्ध लगाउने घोषणा गरेका थिए ।

महानगरका मेयर बालेनलाई साथ दिदै चलचित्र हलहरुले आजका लागि कुनै पनि हिन्दी चलचित्रलाई शो दिएका छैनन् । साथै प्रायः हलहरुमा हिन्दी चलचित्रको  पोस्टरहरु समेत राखिएको छैन् ।
यद्यपी नेपालमा प्रर्दशन हुने चलचित्र ‘आदिपुरुष’मा भने संवाद सच्चाएर चलचित्र विकास बोर्डले केही दिनअघि सेन्सर पास गरिसकेको छ ।
मेयर शाहले चलचित्रको मुल भागबाट संवाद नहटाएसम्म चलचित्र प्रतिबन्ध कायम रहने बताएका छन् ।
उनका अनुसार उक्त चलचित्रबाट नेपाल माथि सांस्कृतिक अतिक्रमण भएको हुँदा यस महानगरपालिकाको गम्भीर ध्यानाकर्षण भएको भन्दै हिन्दी सिनेमा नै काठमाडौंमा चल्न नदिने मेयर शाहले घोषणा गरेका हुन ।
उता चलचित्र ‘आदिपुरुष’का निर्माताले महानगर र विकास बोर्डलाई पत्र पठाउदै माफी मागेका छन् ।

फिल्मकी निर्माता राधिका दासले इमेल मार्फत पत्र लेख्दै काठमाडौं महानगरपालिकाका मेयर बालेन शाह र चलचित्र विकास बोर्डलाई पत्र लेखेकी हुन् । निर्माता दासले चिलचित्रभित्र नेपालीहरूको भावनालाई ठेस पु¥याउने कुनै सोच नभएको उल्लेख गर्दै नेपाली जनताहरुको भावनालाई कही कतै बाट ठेस पुर्याएका रहेछौँ भने माफी मागेकी छिन् ।

पत्रमा चलचित्र, ‘जानकी भारतमा जन्मिएकी हुन्’ भन्ने कुरा उल्येख नभएको उल्लेख गरिएको छ । पत्रमा भनिएको छ–‘फिल्म भित्र प्रभाषले बोलेको संवादले (आज मेरे लिए मत लड्ना, उस दिन के लिए लड्ना जब भारतकी किसी वेटी पर हात डाल्ने से पहेले दुराचारी तुम्हारा पौरुष याद कर्के थर् उठेगा) सिता माताको जन्म स्थानको बिषयमा उल्लेख गर्दैन ।’

पत्रमा एक भारतीय नागरिक भएको नाताले विश्वभरका महिलाहरुलाई सम्मान गर्ने उल्लेख गरिएको छ ।
पत्रमा फिल्मलाई चलचित्रको विषयबस्तुलाई कलात्मक रुपमा हेर्न र विश्वभरका नागरिकहरुलाई एउटा इतिहास देखाउने आफूहरुको प्रयासमा सहयोग गर्न आग्रह गरिएको छ ।