बंगलामुखीबाट बालिका वेपत्ता

९ असार । ललितपुरको बंगलामुखीबाट एक बालिका बेपत्ता भएकी छिन् । लामोसमयसम्म फेला नपर्दा परिवार चिन्तित बनेको छ ।
शोभा बुढाथोकी नाम गरेकी बालिका गतआइतबार भाईहरुलाई पुल्चोकस्थित त्रिपद्य स्कूल पु¥याएर सम्पर्कविहीन भएको उनका सानुबुबा ज्ञानबहादुर खत्रीले ललितखबरसँग गुनासो गरे ।

उनी केही समयअघि रामेछाप मञ्थलीबाट ललितपुर बंगलामुखी आएर परिवारसँगै बस्दै आएकी थिइन् । उनी सोही स्कूलमा कक्षा ५ मा अध्ययनरत थिइन् ।
आफूहरु शहरको गल्ली गल्ली आफन्तको खोजी गरिरहेको खत्री बताउछन् । परिवारले प्रहरी कार्यालय तथा वालवालिका खोजतलास केन्द्रलगायत सरकासी निकायमा उजुरी दिइसकेको छ ।

१५ वर्षीया बुढाथोकीलाई कतै भेटे नजिकको प्रहरी कार्यालयवा ९८६१६६२११४ मा सम्पर्क गरिदिनु हुन खत्रीले आग्रह गरेका छन् ।