राष्ट्रिय युवा मोर्चाका केन्द्रिय उपाध्यक्ष दिक्पालजंग थापाद्वारा अनाथ बालबालिकाहरुलाई सहयोग

२३ असार । राष्ट्रिय युवा मोर्चाका केन्द्रिय उपाध्यक्ष समाजसेवी युवा नेता दिक्पालजंग थापाद्वारा राजा ज्ञानेन्द्र शाहको ७७ औं जन्मदिनको अवसर पारेर असहाय तथा अनाथ बालबालिकालाई सहयोग गरेका छन् ।
भैसेपाटीस्थित असहाय तथा अनाथ वालवालिका संरक्षण फाउण्डेशन नेपाललाई ३५ हजार बराबारको दाल चामल चिनी, तेल र चाउचाउलगायतका सरसामान सहयोग गरेका हुन् ।
आज आयोजित विशेष समारोहमा मोर्चा उपाध्यक्ष तथा समाजसेवी थापाले फाउण्डेसनकी सुपरभाइचर कल्पना पराजुलीलाई सहयोग सामाग्री हस्तान्तरण गरेका छन्
समाजसेवी थापाले सहयोग सामाग्री हस्तान्तरण गर्दै असहाय तथा अनाथ बालबालिकाहरुलाई मनैदेखि सहयोग गरेको बताएका छन् ।
थापाले राजनीति पनि एउटा समाज सेवा भएको विचार राख्दै समाजसेवा गर्न पाउदा आनन्द लाग्ने बताए ।

कार्यक्रममा राप्रपा केन्द्रीय सदस्य निराजन थापा, राप्रपा ललितपुर जिल्ला अध्यक्ष अष्ट महर्जन,राप्रपा मोर्चा अध्यक्ष कैलाश कटुवाल, राप्रपा ललितपुर जिल्ला मोर्चा अध्यक्ष सरोज महर्जनलगायतको सहभागिता थियो ।