चापागाँउमा डण्डी गाडीमा राख्दा करेन्ट लागेर युवकको मृत्यु

गोदावारी नगरपालिका ११ प्याङगाउ चौरमा बा.४ ख २९४३ नम्बरको गाडीमा फलामको डण्डी लोड गर्ने क्रममा विजुलीको मेन लाइनमा डण्डी छोएपछि करेन्ट लागेर उनको मृत्यु भएको हो

२५ असार । ललितपुरको चापागाँउमा फलामको डण्डी लोड गर्ने क्रममा करेन्ट लागेर एक युवकको मृत्यु भएको छ ।
मृत्यु हुनेका दक्षिण ललितपुरको बाग्मती गाउँपालिका ६ आश्राङ बस्ने २१ वर्षीय सबिन विक रहेको प्रहरीको भनाई छ ।
प्रहरीका अनुसार गोदावारी नगरपालिका ११ प्याङगाउ चौरमा बा.४ ख २९४३ नम्बरको गाडीमा फलामको डण्डी लोड गर्ने क्रममा विजुलीको मेन लाइनमा डण्डी छोएपछि करेन्ट लागेर उनको मृत्यु भएको हो ।
आइतबार दिउँसो भएको यो घटनापछि उनलाई उपचारार्थ पाटन अस्पतालतर्फ लैजाने क्रममा बाटोमै मृत्यु भएको थियो ।
घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।