ललितपुर भैसेपाटीको एक कोरियन नागरिकको डेरामा चोरी

ललितपुर, ९ साउन । ललितपुर भैसेपाटीको एक कोरियन नागरिकको डेरामा चोरी भएको छ ।
प्रहरीका अनुसार ललितपुर महानगरपालिका १८ भैसेपाटी बुद्धचोक डेरा गरी बस्ने कोरियन नागरिक चो चाङ मीको कोठामा चोरी भएको हो । उनको कोठामा कोही नभएको अवस्थामा ढोकाको ताल्चा फोडी कोठाभित्र रहेको नगद ८ लाख रूपैयाँ र ४ हजार अमेरिकी डलर सोमबार राति चोरी भएको प्रहरीको भनाई छ ।
प्रहरीले चोरीमा संलग्न हाल फरार व्यक्तिको खोजी गर्नुका साथै यस घटनाका सम्बन्धमा थप अनुसन्धान गरिरहेको प्रहरीले बताएको छ ।