लुभूमा दिउँसै चोरी

१० साउन । ललितपुरको लुभूमा दिउँसै चोरी भएको छ ।
प्रहरीका अनुसार महालक्ष्मी नगरपालिका ८ लुभु खरिबोट बस्ने मिन कुमारी श्रेष्ठको घरबाट मंगलबार दिउँसो चोरी भएको हो ।
श्रेष्ठको घरमा कोही नभएको अवस्थामा मुल गेटको ताल्चा फोडी चोरी गरिएको अवस्थामा भेटिएको थियो ।
उनको घरबाट नगद ७५ हजार रूपैयाँ र सुनका विभिन्न गहाना गरी करिब ३ लाख २५ हजार रूपैयाँ बराबरको धनमाल मंगलबार दिउँसो चोरी भएको प्रहरीको भनाई छ ।
प्रहरीले चोरीमा संलग्न हाल फरार व्यक्तिको खोजी गर्नुका साथै घटनाका सम्बन्धमा थप अनुसन्धान गरिरहेको जानकारी दिएको छ ।