धापाखेलबाट धाराको सामान चोरेको आरोपमा कवाडी संकलन गर्ने भारतीय महिलाहरु पक्राउ

ललितखबर

११ साउन । हातमा बोरा बोकेर घर घर डुल्ने ६ जना महिलाहरु चोरी गरेकोे आरोपमा पक्राउ परेका छन् । ललितपुर महानगर २४ धापाखेलस्थित राजु सापकोटाको निर्माणाधिन घरको तीन तला माथिबाट धाराको सरसामान चोरेको आरोपमा सातदोबाटो टुटेपानीबाट ६ जना कवाडी संकलक भारतीय महिलाहरु महानगररिय प्रहरी बृत्त सातदोबाटोले पक्राउ गरेको हो ।

हामी कडा सजायको माग गरेर निवेदन दिन्छौं । यस्तो चोरीको घटना अरु ठाँउमा नघट्न उनीहरुलाई कडा कारवाही हुनु पर्छ

भारतको मध्य प्रदेश बस्ने लक्ष्मीे गिरी,पद्मा गिरी,ज्योती गिरी,राधिका गिरी, पुलामा गिरी नाम गरेका सामानका महिलाहरुलाई प्रहरीले पक्राउ गरेको हो ।
बुधबार दिउँसोपख धारा फिटिङ गर्ने प्लम्बरले काम गर्ने क्रममा राखेको सामान नदेखेपछि नजिकै रहेको विद्यालयको सिसिटिभि हेरेर चोरी गरिरहेको फुटेज पत्ता लागेको घरधनी राजु सापकोटाका भाई हरि सापकोटाले ललितखबरलाई बताए । निर्माणाधिन घरको ट्वाइलेटको लागि पाइप फिटिङको ६० हजार बराबारको सरसामान चोरी भएको उनले बताए ।

 

हामीले धेरै पटक पक्राउ गरे छोड्ने गरेका छौं । ठाँउ ठाँउमा सामान चोरी गरेको भन्दै उजुरी आउँछ

चोरी गरेर उनीहरुले गोदावरी नगरपालिका १२ ठेचोस्थित कवाडी नजिकै राखेकोे अवस्थामा फेला परेको थियो । टुटेपानीमा फेला परेका उनीहरुलाई स्थानीयहरुले घेरा हालेर प्रहरीलाई खबर गरेका थिए । प्रहरीको सहायतामा सामान ठेचो पुगेर फिर्ता ल्याएको थियो ।
महानगरिय प्रहरी बृत्तका एक प्रहरीले सामान चोरी गरेको आरोपमा भारतीय महिलाहरु पटक पटक पक्राउ पर्ने बताएको बताए । उनले भने, ‘हामीले धेरै पटक पक्राउ गरे छोड्ने गरेका छौं । ठाँउ ठाँउमा सामान चोरी गरेको भन्दै उजुरी आउँछ ।’
टोल टोलमा पुराना प्लाष्टिक खोज्दै हिड्ने महिलाहरु जे सरसामान भेट्यो त्यही बोक्ने गरेको स्थानीयहरु बताउछन् ।
पिडित सापकोटाले सामान प्रहरी कार्यालय सातदोबाटोमा रहेको र आज चोरीको निवेदन दिएर फिर्ता ल्याउने प्रक्रिया सुरु गर्ने बताए । उनी भन्छन्, ‘हामी कडा सजायको माग गरेर निवेदन दिन्छौं । यस्तो चोरीको घटना अरु ठाँउमा नघट्न उनीहरुलाई कडा कारवाही हुनु पर्छ ।’