गोदावरीको ‘मामाघर’मा धार्मिक महोत्सव हुँदै

महोत्सवमा हरेक दिन विशिष्ट पाहुनालाई स्वागत गर्दैछौं । सचिवालय एक महिना अघिदेखि पर्चा पम्प्लेट र माइकिङलगायत प्रचार प्रसार र निमन्त्रणमा व्यस्त छ

ललितखबर
३० साउन । ललितपुरको गोदावरी बाँडेगाँउमा यही भदौं २० गतेदेखि धार्मिक महोत्सव तथा श्रीमद भागवत विराट ज्ञान महायज्ञ हुने भएको छ ।
बाँडेगाँउस्थित ‘मामाघर’ अनाथालयमा अनाथ वालवालिकाहरुको सहयोगार्थ धार्मिक महोत्सवको रुपमा महायज्ञ आयोजना गर्न लागेको आश्रमले जानकारी दिएको छ ।
आश्रमका सचिवालय सदस्य टंकमणी भट्राईका अनुसार यही भदौ १६ गते गोदावरीबाट मोटर साइकल¥याली हुनेछ । २० गते महोत्सव स्थलबाट कलश यात्रा हुनेछ । कलश यात्रीले गोदावरी कुण्डबाट जल बोकेर नगर परिक्रममा गर्नेछन् ।
‘महोत्सवमा हरेक दिन विशिष्ट पाहुनालाई स्वागत गर्दैछौं । सचिवालय एक महिना अघिदेखि पर्चा पम्प्लेट र माइकिङलगायत प्रचार प्रसार र निमन्त्रणमा व्यस्त छ’सचिवालय सदस्य भट्राईले ललितखबरसँग भनेका छन् ।
महोत्सवको उद्घाटनका लागि राष्ट्रपति रामचन्द्र पौडेललाई निमन्त्रण गरिएको सचिवालय सदस्य भट्राईले बताए ।
महोत्सवको कथाबाचन महिला विदुषिहरुबाट हुँदेछ । गरिमा उपाध्याय र उमा महेश्वरीले कथा बाचन गर्ने कार्यक्रम तय भएको संयोजक भट्टराई बताउछन् ।
भक्तपुरको ताथलीमा बेसहारा जेष्ठ नागरिकहरुका लागि ‘छोरीको घर’आश्रमको भगिनी संस्था सञ्चालन भइरहेको छ ।