ललितखबर
१९ भदौं । ललितपुर गोदावरी क्षेत्रमा बुधबारबाट सुरु हुने विराट ज्ञान महायज्ञको तयारी भव्य रुपमा गरिएको छ ।
प्रधानमन्त्री पुष्पकमल दाहालद्वारा समुद्घाट गरिने कार्यक्रम स्थल ध्वजापत्ता स्वागतद्वार र पण्डलले सझाइएको छ ।
महायज्ञस्थलमा विशिष्ट पाहुनाघर, प्रसाद स्थल सचिवालय, होम तुलादान स्थल निर्माण गरिएको छ । ललितपुरको सातदोवाटोखि अनुष्ठान अयोजनास्थलसम्म स्वागतद्वार निर्माण गरिएको छ ।
मामाघर अनाथालय आश्रम निर्माणको सहयोगार्थ अनुष्ठान आयोजना गरिएको चर्चित कथाबाचक वालयोगेश्वर विजयमूर्तिले जानकारी दिए । उनले भने,‘हामीलाई सरकारले जग्गा उपलव्ध गराए गुरुयोजना अनुसार आश्रम निर्माण गर्न पाँच करोड लाग्छ ।’
कार्यक्रमस्थलमा आयोजित पत्रकार सम्मेलनमा महाराजले अनुष्ठानअघि नै करिव ५० लाख खर्च भइसकेको जानकारी दिए । उनले भने, ‘हामीले धेरै यस्ता कार्यक्रम गरिसकेको हुनाले धेरैले सरसामाग्री उधारो दिन्छन् । अनुष्ठानको तयारी गर्न समस्या पर्दैन ।
गोदावरी कुण्डबाट बुधबार विहान ७ बजे कलशयात्रा सुरु हुँदैछ ।
चर्चित कथाबाचक वालयोगेश्वर विजयमूर्ति महाराजको पहलमा स्थापित यस अनुष्ठानको कथाबाचन गरिमा उपाध्याय र उमा महेश्वरीले गर्ने कार्यक्रम छ ।
प्रतिक्रिया