गोदावरीका वडाध्यक्ष घिमिरेद्वारा महायज्ञमा ५० हजार दान गर्दै अनाथ आश्रम बनाउने प्रतिबद्धता व्यक्त

ललितपुर गोदावरी
२७ भदौ । गोदावरी नगरपालिका वडा ३ का अध्यक्ष राज घिमिरेले गोदावरीमा जारी श्रीमद भागवत महायज्ञमा ५० हजार ५ सय दान गर्दै वालवालिकाहरुका लागि अनाथ आश्रमका बनाई छाड्ने प्रतिबद्धता व्यक्त गरेका छन् ।
वडाअध्यक्ष घिमिरेले भने, ‘गरिब परिवारमा जन्मेर ज्येष्ठ नागरिकहरूको लागि भवन बनाए जस्तै अनाथ आश्रम बनाउन आमाले  आशिर्वाद दिएकी छिन् । सबैको सहयोग जुटाएर बनाउन सघाउन म प्रतिबद्ध छु ।’
गोदावरी नगरपालिका वडा १४ बाँडेगाउँ स्थित जारी रहेको महायज्ञमा अनाथालय आश्रमका लागि गोदावरी वडा ३ मा जग्गा व्यवस्थापन गरेर भवन कार्यमा सहयोग गर्ने मामाघर आश्रमका अध्यक्ष बालयोग्यस्वर विजयमुर्ति महाराजसामु उनले प्रतिबद्धता समेत व्यक्त गरे ।
उनले आफूसँग जे छ त्यसैबाट केही अंश आश्रम बनाउनका लागि मन दिल खोलेर महायज्ञमा दान गर्न आग्रह गरे ।